Nije ljubav ako postoji ‘moje i tvoje’

Toliko toga sam čula o ljubavi, toliko toga probala, toliko puta zalutala i vratila se, toliko grešaka ponovila.

I evo, shvatila sam. Naučila. Okusila.

Nije ljubav ako te frustrira.
Nije ljubav ako te guši.
Nije ljubav ako ti okida kompleks po kompleks koji nosiš u sebi.
Nije ljubav ako kalkulišeš.
Nije ljubav ako lažeš.
I svakako nije ljubav ako varaš (vjerovali ili ne).
Nije ljubav ako postoji “moje i tvoje”.
Nije ljubav ako je sve što ja jesam nestalo, stopilo se u toj vezi.
Nije ljubav ako sam samo ono što je taj drugi spreman da voli.
Nije ljubav ni ako si samo ono što sam ja spremna da volim.
Nije ljubav ako te volim samo dok mi uzvraćaš. I povlačim se i gasim ako ne uzvraćaš.
Nije ljubav ako se mrzimo, makar i na 10 minuta. Nije, kunem vam se.
Nije ljubav ako te uslovljava.
Nije ljubav ako ti ne da da dišeš.
Nije ljubav ništa što u sebi ima “ali”.
Nije ljubav ako gazim sebe radi tebe.
Nije ljubav ako nije prioritet.
Nije ljubav ako ne svijetli.
Nije ljubav ako ne grije.
Nije ljubav ako ne čuva leđa.
Da, mnogo toga nije ljubav, ali lakše nam vjerovati da jeste.

Jer za ono što ljubav zaista jeste potrebna je hrabrost. 

I to ne bilo kakva, nego sva hrabrost ovoga svijeta. Da vjeruješ da postoji, da ne praviš kompromise i da priznaš promašaje. Da priznaš kada ljubav nije. I odeš, čak i kada misliš da voliš.

Ljubav je jednostavna. Ljubav je lagana. Ljubav te ozari, podigne i pokrene. Ljubav u tebi probudi sve ono nabolje što imaš, a što je nekada davno zaspalo. I kaže ti da si najdivnije biće na planeti. Kaže i pokaže.

I nebitno pričamo li o ljubavi prema poslu, partneru ili sebi, bitno je samo zaista razumijeti šta ljubav jeste.
I stisnuti petlju da baš takvu sebi izgradimo.

U suprotnom, nećemo je nikada doživjeti.
I zamisli, hajde zamisli, prošao život a nismo ljubav upoznali…zamisli to!

Neki baner

Pa onda odluči vrijedi li biti hrabar.
Meni da. Bez razmišljanja.

Izvor: Martina Đokić

Neki baner